Om oss
Å dyrka frukt og laga cider heng tett saman her på Vestlandet, og bestefar Andreas Eitungjerde planta ut frukthagen i 1922. Då barnebarnet Åge overtok bruket på midten av 90-tallet, såg han etter nye måtar å utnytte frukta på. Balholm – den gang kalla Gulleple – vart eit pionerprodukt; den første heilt naturlege fruktmost på den norske marknaden.
I 1999 importerte Åge kvist av 13 ulike cidereplesortar frå Normandie og Somerset, og har poda opp omtrent 1000 tre som no er i full bering. Det er første gong slike cidereple vert prøvde ut i norsk klima. ‘Cidor’, ‘Belle Fille de la Manche’, ‘Major’, ‘Ellis Bitter’ og ‘Yarlington Mill’ er nokre av desse sortane. Bittersmaken frå desse eplene gir same oppleving som tannin i vin og humle i øl; det gir kraftigare smak som varer lengre.
I dag lagar vi juice, cider, fruktvin og dram av frukt og bær - økologisk og lokalt så langt det er muleg. I dag har Balholm seks tilsette og produserer omlag 300 000 liter drikke i året.
